आई वडील शेतमजूर मुलगा झाला IPS अधिकारी गरीब कुटुंबातील शरण ची कहाणी!

जिद्द, चिकाटी आणि शिक्षणाची आस असेल तर प्रतिकूल परिस्थितीवरही मात करता येते, हे सोलापूर जिल्ह्यातील एका शेतमजुराच्या मुलाने सिद्ध करून दाखवले. घरातील हलाखीची परिस्थिती आणि विजेचा पत्ता नसताना कंदिलाच्या उजेडात अभ्यास करणाऱ्या शरण गोपीनाथ कांबळे यांनी वार्षिक २० लाख रुपयांच्या गलेलठ्ठ पगाराची नोकरी नाकारत थेट आयपीएस गवसणी घातली. खरंतर शरण कांबळे हे २०२१ बॅचचे आयपीएस अधिकारी आहेत. पण इंस्टाग्रामवरील ‘यूपीएससी वाला’ या हँडलवरून त्यांची यशोगाथा नुकतीच शेअर करण्यात आल्यामुळे पुन्हा एकदा त्यांच्या प्रेरणादायी प्रवासाची चर्चा सोशल मीडियावर रंगत आहे.