देवेंद्र फडणवीस यांच्या कार्याची गती अफाट आहे. ते आधुनिकतेची कास धरणारे नेते आहेत. देवेंद्र यांनी आपल्या वरिष्ठांचा विश्वास सार्थ ठरवला आहे. त्यांच्या कामाचा उरक आणि झपाटा पाहून मला मी पहिल्यांदा मुख्यमंत्री झालो, तो कार्यकाळ आठवतो. त्यांचे कार्य आणि कष्ट पाहून देवेंद्र फडणवीस थकत कसे नाहीत, असा प्रश्न पडत असल्याचे ज्येष्ठ नेते शरद पवार यांनी म्हटले आहे. फडणवीसांच्या कामाची गती ते माझ्या वयाचे होईपर्यंत टिकून राहो आणि कालचक्र क्रमाने वृद्धिंगत होवो, असं अभिष्टचिंतन वाढदिवसाच्या निमित्ताने शरद पवारांनी व्यक्त केले आहे.
